إذا كنت حاسس إنك مكتئب مش طايق نفسك ولا حد جنبك ، حاسس إنك مش قادر تعمل حاجه مفيدة وإن المستقبل قاتم والدنيا سوده ، سووووده كحل ، تعالى على نفسك شويه ، وحاول تقرأ إيلى جاى ( أنا كتبت المهم ببنط أكبر) :
1- قرر أنك تغير حياتك وأعرف الحقائق ديه كويس قوى ( أعرف أن حياتك ديه شىء مهم برغم الصعاب إ يلى فيها / أعرف أنك مش هتقدر تغيير فى إيلى حواليك بس هتقدر بإذن الله تغير من نفسك ) .
2- تجاهل أصدقائك السلبيين الشكاكين ومتشائمين وكثيرى الشكوى وصاحب أصدقاء إيجابين سعداء ومتفائلين وعندهم هدف فى الحياه( هدف يخدك قدام مش يجيبك لورا فى الخير طبعا ً ) .
3- أعرف المقولة ديه كويس (أنت مصدر سعادتك وشقاءك ) لو مش عجباك خد ديه ( تحمل مسئولية أفكارك وأعمالك ) ، بمعنى إذا كنت بتفكر إنك تقدر تعمل حاجه هتقدر إن شاء الله والعكس صحيح لو مين قالك إنك تقدر وحلفلك بكده وأنت مش عندك القناعة بذلك مافيش فايده .
4- قرارك مهما كان صح أو غلط ، جيد أو سيىء ، هى حياتك ولازم تعشها أنت غير متعمد تقوم بالخطأ طبعا ً ، ولا إيه ؟ ، قال رسولنا المصطفى سيدنا ( محمد ) صلى الله عليه وسلم فيما معناه ( أخطئوا واستغفروا ، وأحسنوا واستبشروا ) ده يكون شعارك ، فلا تقوقع نفسك مارس حياتك بشكل طبيعى ولا تخاف من أحد أو حاجة إلا الله طبعاً .
5- بناءا ً على ماسبق ، إيلى هتفكر تعمله أو عملته والحمد لله هتزيد ثقتك بنفسك ويزيد تقدير الذات عندك.
6- أخرج أشترى نوته ملاحظات تبقى معاك فى كل مكان ولو عندك أجندة صغيره يبقى عال ، وإبدأ بتتبع أفكارك السلبية وأكتبها أول ما تيجى على بالك ويكون ذلك لمدة أسبوع فيها هتعرف إيه بالظبط إيلى بيضايق حضرتك وبكده نعمله ضبط وإحضار، معايا ولا روحت فين ؟ أعرف ان كل واحد فينا عنده الأفكار السلبيه ديه ولذلك عليك ترديد التالى :
( أنه ليس خطئى / لا ألوم أحدا ً على ذلك / أنا الشخص الوحيد إيلى يقدر يغير ذلك /أعرف إن التغيير محتاج وقت / هأعمل بمنتهى قوتى لأغير ذلك وسأضعه هدفاً لحياتى ).
7 - كن صديقا ً لذاتك وتعاطف معها ، وده هو المفتاح السحرى للمكتئب هو أن يتكلم مع نفسه بإيجابيه ويتعاطف معها وأعرف أن الأفكار السلبية عادة وليست طبيعة عندك ، بمعنى أنك عودت نفسك على أن تفكر بهذا الشكل ( كالإدمان )، عليك أن تستبدل هذه الأفكار بإيجابية متفائلة هادفة .
8 - أفضل الأوقات لتغيير الأفكار هو فى اللحظة إيلى بتخطر على بالك وبعد تدوينها ، أكتب الفكرة البديلة بجانبها وحتى ولو مش صح أو غريبة ، وإذا وجدت صعوبة فى ذلك تخيل إيه ايلى ممكن صديقك المقرب ( الأنتيم ) يقوله لك من أفكار ، قاوم الأحباط والمشاعر السلبية .
9 - أعتقد فى هذه المقولة ( أنت من تعتقد أنه أنت ) إذا أعتقدت أنك سعيد ستكون سعيدا ً ، جذابا ً ، ناجحا ً ،متحملا ً للمسئولية .
10- عندما تسقط ، أرفع رأسك من الأرض ، وأستمر فى المحاولة ، أعلم أنك لن تحصل على كل ما تريد بسهولة فهناك صولات وجولات مع الحياة ، فكن محارباً فى الحياة وحرر نفسك واستعن بالله ولا تعجز .
